RIN IN DE KARTOFFELE, RAUS AUS DE KARTOFFELE

Wo Freindschafte dun wachse,

Die zwei Krieche iwwerdaure,

Wo Blume dun wachse,

Ohne Hecke, ohne Maure.

Wo Freinde sich trotz Leide

Feschd an de Hände halle,

Unn beese Worde meide,

Um gudde zu erhalle.

Unser franzeesisch Nachbarin –

Fier drei Woche jed‘ Johr –

Do frei ich mich, fahr ich dohin,

Denn dann wird’s scheen unn kloor.

Mir schwätze Franzeesisch –

Sie kann uff Deitsch nur zwei Wort‘.

Ihr Mann war im Kriech in Deitschland,

Iss balld geschorb‘ – widder fort.

„Kartoffele“, das kann se noch saan,

die hann se do oft gess‘.

Unn all die schlimme Klaache,

die hadd se wohl vergess‘.

Doher saat er, „‘s is‘ prima“,

Denn er iss zerickkomm‘.

Unn so zeit jetzt das Klima:

Auch unser‘ Ferie sinn wie Hemmkomme.

Heit, mit 93 Johr, iss se allään –

„Rin in de Kartoffele, raus aus de Kartoffele“ –

Unn aach zwei Weltkrieche

Krien unser Freinschaft nidd klään.